Творчая вечарына Навума Гальпяровіча: фотасправаздача

23 жніўня ў кнігарні «Дом книги «Светоч» адбылася творчая вечарына вядомага пісьменніка і вядучага праграмы «Суразмоўцы» на тэлеканале «Беларусь 3» Навума Гальпяровіча! Арганізатары сустрэчы — ААТ «Белкніга» і канал «Культура» Беларускага радыё.

На мерапрыемстве прысутнічалі галоўны рэдактар выдавецтва «Мастацкая літаратура» Віктар Шніп, дырэктар канала «Культура» Беларускага радыё У.А. Трапянок, а таксама пісьменнік Іван Саверчанка, бард Віктар Мяцельскі і выканаўцы песень на вершы Н. Гальпяровіча.

На вечарыне чытачы бліжэй пазнаёміліся з творчасцю Навума Гальпяровіча, паслухалі вершы у аўтарскім выкананні, а таксама апавяданні з кніг «На скрыжаванні сноў» і «Час лістападу» у выкананні кіраўніка тэатра Беларускага радыё Алега Вінярскага і артысткі Маргарыты Захарыя.

У канцы сустрэчы адбылася аўтограф-сесія аўтара.