Міфалагічныя нататкі. Адбылася сустрэча праекта «Маладосць» & «Маладосць»

“Партал у розныя вымярэнні”, “скарбніца архітэпічных вобразаў”, “ды тое, што пранізвае нашае жыццё і асабліва мастацтва" – гэта ўсё пра міфалогію, тэме якой прысвечана была чарговая сустрэча праекта часопіса “Маладосць” і кнігарні “Маладосць” 13 лютага.

У гэты раз у кнігарню былa запрошаная Кацярына Масэ, паэтка і перакладчыца.
Кацярына падзялілася сваёй творчасцю, прачытаўшы свае вершы.



Марына Дубень для кагосьці паўтарыла, а для кагосьці адкрыла ўпершыню значэнне беларускіх нацыянальных сімвалаў.

На “салодкі дэсерт” выступіла вядомая і блізкая чытачам “Маладосці” ды фэйсбучным актывістам беларускамоўная іспанка Анхела Эспіноса. Дысертацыйная праца Анхелы звязаная з міфалогіяй і творчасцю Яна Баршчэўскага.
Са сваіх агульных назіранняў Анхела адзначыла, што ў Беларусі фальклор, міфы ў большай ступені засталіся ў побыце.



Чарговая сустрэча чакаецца – як заўсёды праз два тыдні — 27 лютага (вул.Багдановіча, 68). Да пабачэння!