Навiнка: кніга «Пакацілася сонейка» раскажа чытачам пра кожны месяц года!
Набыць кнігі можна будзе ў кнігарнях сеткі «Белкніга», а ў нашай інтэрнэт-кнігарні — са зніжкай 20%!
У выдавецтве «Беларуская Энцыклапедыя імя Петруся Броўкі» выйшла кніга «Пакацілася сонейка… Вершы і загадкі пра месяцы года» ў серыі «Беларускія пісьменнікі −дзецям».
![](https://sun9-4.userapi.com/c858228/v858228439/158ca6/lYzEnSjmE8I.jpg)
Разам з кнігай дзеці ў вершах даведаюцца пра дзівы кожнай пары года. Танец сняжынак узімку, першыя пралескі і прылёт птушак увесну, яркае сонейка і смачныя ягады ўлетку, шматкаляровае ўбранне прыроды восенню – пра гэта і многае іншаерасказвае аўтар кнігі Віктар Кажура.
На старонках выдання змешчаны таксама прымаўкі пра месяцы года, прапануюцца і займальныя заданні. Дзякуючы яркім ілюстрацыям і маляўнічым фатаграфіям кнігу будзе не толькі цікава чытаць, але і разглядаць.
![](https://sun9-4.userapi.com/c855736/v855736439/1e317d/TEq94AKY3fc.jpg)
Выданне прызначана для дзяцей малодшага школьнага ўзросту і ўключана ў спіс твораў для пазакласнага чытання ў 4 класе ўстаноў агульнай сярэдняй адукацыі з беларускай і рускай мовамі навучання па вучэбным прадмеце «Літаратурнае чытанне».
У дадзенай серыі ў гэтым годзе вышла таксама кніга «Вучоныя вароны. Вершы пра птушак» Анатоля Зэкава, на старонках якой птушкі чытаюць кнігі, мятуць лісце, сумуюць па Радзіме.
Набыць кнігі можна будзе ў кнігарнях сеткі «Белкніга», а ў нашай інтэрнэт-кнігарні — са зніжкай 20%!