Прэзентацыя новай кнігі беларускай пісьменніцы Надзі Букі - «Бася і яе чароўны свет»!
Памятаеце казку пра дзяўчынку Басю і яе незвычайнага сябра Пігласа?
Вы, пэўна, памятаеце казку беларускай пісьменніцы і мастачкі Надзі Букі пра дзяўчынку Басю і яе незвычайнага сябра Пігласа? У нас прыемная навіна: выдавецкі дом «Звязда» толькі-толькі выпусціў працяг гэтай гісторыі — кнігу «Бася і яе чароўны свет»!
Таму нам вельмі прыемна запрасіць вас на прэзентацыю гэтай кнігі, якая адбудзецца 7-га чэрвеня а 10 гадзіне 30 хвілін у нашай кнігарні «Дом кнігі «Светач» (пр-т Пераможцаў, 11)! На прэзентацыі вас чакаюць новыя героі – гласпіі, бубласы, Пува, Атыкека... Не хвалюйцеся, са ўсімі вас з задавальненнем пазнаёміць сама пісьменніца! Як і ў першай кнізе, Бася вучыцца дабрыні і спачуванню блізкаму. А мы з вамі вучімся верыць у цуды і ствараць свае ўласныя чароўныя сусветы!
Набыць кнігу вы можаце ва ўсіх нашых кнігарнях!
Чакаем вас у нас!