Прэзентацыя Віктара Хурсіка ў кнігарні «Светоч»: фотасправаздача
Дакументальная кніга «Vale!» — пераможца ў нацыянальным літаратурным конкурсе ў жанры публіцыстыкі.
15 жніўня адбылася прэзентацыя кніг «Vale!» і «Мінскія абразкі» краязнаўца і выдаўца Віктара Хурсіка.
За час выдавецкай дзейнасці В. Хурсік выдаў больш за 450 найменняў кніг! Большасць з іх краязнаўчыя даследаванні на беларускай мове.
Учора ў кнігарні таксама можна было пазнаеміцца з выставай краязнаўчых кніг.
На выставе можна было ўбачыць кніжкі розных аўтараў, якія выходзілі ў свет цягам апошняй чвэрці стагоддзя. Сярод іх серыя брашур «Ведаць свой край – Беларусь» (14 назваў, аўтары Алесь Махнач, Уладзімір Цэйкін, Віктар Грыбко, Віктар Скараход і іншыя).
Серыя даведачных кніг для краязнаўцаў Яўгена Анішчанкі была таксама цалкам прадстаўлена на выставе – спісы шляхты беларускіх паветаў і ваяводстваў канца 18 стагоддзя (усяго 11 паветаў і назваў), а таксама дадаткі да кнігі хронік «Памяць. Лунінецкі раён», укладзеныя Таццянай Канапацкай (6 назваў). Краязнаўчыя кнігі Міхася Карпечанкі, Уладзіміра Содаля, Мікалая Гайбы, Наталлі Вайцяховіч і іншых аўтараў працягнуць шэраг.
Дакументальная кніга «Vale!» — пераможца ў нацыянальным літаратурным конкурсе ў жанры публіцыстыкі. Матэрыялы для яе збіраліся аўтарам шмат гадоў у замежных і беларускіх архівах, гэта адзінае і найбольш поўнае выданне пра дзіцячыя гады, станаўленне светапогляду, грамадскую і палітычную дзейнасць Магдалены Нанаўны Радзівіл з роду Завіша, якая фінансавала беларускае адраджэнне на пачатку ХХ стагоддзя.
На заканченне пісьменнік пазнаёміў чытачоў з навінкай – кніжкай «Мінскія абразкі».
Фота: Яна Сабіна.