Public talk з Андрэем Янушкевічам і Валерыем Славуком: фотасправаздача
Відэазапіс можна будзе знайсці на нашым Youtube-канале.
21 красавіка ў нашай кнігарні «Дом книги «Светоч» (г. Мінск, пр-т Пераможцаў, 11) адбыўся public talk з дырэктарам выдавецтва «Янушкевіч» Андрэем Янушкевічам і мастаком Валерыем Славуком.
![](https://sun9-41.userapi.com/c858020/v858020906/1db467/Fy0ug7imhQc.jpg)
Мадэратарам сустрэчы выступіў беларускі тэлевядучы Дзмітрый Карась.
Галоўнай тэмай размовы стала кніга «Вядзьмар, які рабіўся ваўком», якая выйшла ў выдавецтве «Янушкевіч». Дырэктар выдавецтва Андрэй Янушкевіч расказаў, што казкі выдадзены ў максімальна аўтэнтычным выглядзе, усе яны былі запісаныя этнографамі ў 19-м стагоддзі.
«Гэта кніга — шыкоўны падарунак у кожны беларускі дом» — упэўнены Андрэй Янушкевіч.
![](https://sun9-29.userapi.com/c206616/v206616447/f3097/1dUqXMnrK7g.jpg)
Знакаміты мастак Валерый Славук расказаў аб сваёй працы над ілюстрацыямі, а таксама якім падыходам ён карыстаўся пры стварэнні таго ці йнога нячысціка.
«Калі я прачоў рукапіс, то там былі казкі, якія я ведаў з дзяцінства, але былі і некалькі зусім новых, незвычайных казак і гэта мяне зачапіла» — дзеліцца ўспамінамі Валерый Славук.
![](https://sun9-62.userapi.com/c206616/v206616614/f632e/H-AjbvR4Sbw.jpg)
Да размовы таксама далучыўся сам укладальнік кнігі — Антон Францішак Брыль, унук знакамітага беларускага пісьменніка Янкі Брыля.
«Кніга складзеная такім чынам, каб дзіцяці, якое вырасце на такой кнізе, магло, вырасшы, напісаць пераканаўчае беларускае фэнтэзі» — спадзяецца Антон Францішак Брыль.
![](https://sun9-37.userapi.com/c206616/v206616447/f30db/o_d4bFUAsuY.jpg)
Генеральны дырэктар ААТ «Белкніга» Аляксандр Вашкевіч напомніў усім аматарам чытання, што заўтра, 22 красавіка, адначасова ва ўсіх кнігарнях «Белкніга» адбудзецца старт продажаў гэтай цудоўнай кнігі!
Толькі ў дзень старта продажаў усіх аматараў цмокаў, ваўкалакаў ды рознага кшалту нячысцікаў чакае зніжка 15% на кнігу!
А ў кнігарні «Дом книги «Светоч» (г. Мінск, пр-т Пераможцаў, 11) можна будзе набыць кнігу з аўтографам Валерыя Славука! Спяшайцеся! Колькасць экзэмпляраў з аўтографам абмежавана!
![](https://sun9-62.userapi.com/c857228/v857228172/16ae0f/HC-Y6Ojz7Eg.jpg)
Дарэчы, ужо сёння кніга даступная для перадзамовы на magazin.belkniga.by!
Відэазапіс можна будзе знайсці на нашым Youtube-канале.
Фота: Яна Сабіна.