Public talk з Андрэем Янушкевічам і Валерыем Славуком у «Светачы»!
Толькі ў дзень старта продажаў усіх пакупнікоў чакае зніжка 15% на кнігу!
21 красавіка аб 11-й гадзіне ў нашай кнігарні «Дом книги «Светоч» (г. Мінск, пр-т Пераможцаў, 11) адбудзецца public talk з дырэктарам выдавецтва «Янушкевіч» Андрэем Янушкевічам і мастаком Валерыем Славуком.
Пагаварым аб кнізе «Вядзьмар, які рабіўся ваўком», якая недаўна выйшла ў выдавецтве «Янушкевіч», аб яе атмасферных казках і непаўторных ілюстрацыях. Да размовы таксама далучыцца сам укладальнік кнігі — Антон Францішак Брыль, унук знакамітага беларускага пісьменніка Янкі Брыля.
Дарэчы, кніга ўжо даступная для перадзамовы на magazin.belkniga.by , а сам старт продажаў адбудзецца 22 красавіка адначасова ва ўсіх кнігарнях «Белкніга»!
Толькі ў дзень старта продажаў усіх аматараў цмокаў, ваўкалакаў ды рознага кшалту нячысцікаў чакае зніжка 15% на кнігу!
«Вядзьмар, які рабіўся ваўком» — гэта трыццаць беларускіх чарадзейных казак і паданняў з розных куткоў Беларусі, запісаныя ў канцы XIX- пачатку XX стагоддзя, а цяпер наноў адабраныя і апрацаваныя. Некаторыя з гэтых гісторый усім вядомыя, а іншыя, наадварот, рэдка траплялі ў выданні для шырокага чытача.
Відэазапіс можна будзе знайсці на нашым Youtube-канале.