Старт продажаў «Гары Потэра»: зніжкі і фотазона з гаворачым капялюшам
На адзін дзень «Светач» ператворыцца ў філіял Хогвартса! Гасцей будзе чакаць тэматычная фотозона з сапраўдным гаворачым капялюшам, а ўдзельнікi імпрэзы змогуць выйграць зніжкі і памятныя тэматычныя прызы.
Заўтра, 14 снежня аб 11-й гадзіне, у нашым «Светачы» (г. Мінск, пр-т Пераможцаў, 11) адбудзецца старт продажаў беларускага пераклада сусветнага бестселера «Гары Потэр і філасофскі камень» Дж. К. Роўлінг. Кніга выйшла ў свет у выдавецтве «Янушкевіч».
14 снежня вас чакае:
— магчымасць набыць кнігу па самай нізкай цане — 25 рублёў;
— першыя 5 пакупнікоў атрымаюць зніжку 50%, наступныя 5 чалавек – 25%;
— тэматычная фотазона з сапраўдным гаворачым капялюшам;
— віктарыны, конкурсы, двубоі і бітвы на прызы і зніжкі.
А 12-й гадзіне пачнецца сустрэча з перакладчыцай Аленай Пятровіч, на якой вы даведаецеся чаму ў беларускім выданні няма Даўгапупса, якое імя атрымаў Нэвіл і якіх памылак замежных перакладчыкаў гісторыі пра Гары Потэра ўдалося пазбегнуць?
Пасля сустрэчы працягнецца забаўляльная праграма з віктарынай на веданне першай частцы, чароўным кракадзілам, настольнай гульнёй «Плюй-камяні» з сусвету Гары Потэра, чароўнымі шахматамі і інш.
Чакаем вас у нашым свеце чараўніцтва і вядзьмарства!