«Сустрэчы з Караткевічам» у «Светачы», выпуск 2: фотасправаздача!
Адам Глобус падзяліўся сваімі ўспамінамі пра суседства са знакамітым пісьменнікам і разважаннямі пра яго творы.
23 красавіка ў нашай кнігарні «Дом книги «Светоч» (г. Мінск, пр-т Пераможцаў, 11) адбылася другая імпрэза з цыкла
«Сустрэчы з Караткевічам».
У мерапрыемстве прынялі ўдзел дырэктар выдавецтва «Мастацкая літаратура»
Алесь Бадак і беларускі пісьменнік Адам Глобус.
На сустрэчы пагаварылі пра асобу Уладзіміра Караткевіча, якім ён быў у жыцці і творчасці. Адам Глобус падзяліўся сваімі ўспамінамі пра суседства са знакамітым пісьменнікам і разважаннямі пра яго творы, галоўным і важным з каторых з'яўляецца, на думку Адама Глобуса, «Дзікае паляванне караля Стаха».
Цыкл «Сустрэчы з Караткевічам» - гэта некалькі імпрэзаў, прысвечаных 90-годдзю з дня нараджэння знакамітага беларускага пісьменніка Уладзіміра Караткевіча.
Відэазапіс імпрэзы хутка з'явіцца на нашым
Youtube-канале.
Арганізатарамі праэкта з'яўляюцца Міністэрства інфармацыі Рэспублікі Беларусь, ААТ «Белкніга» і выдавецтва «Мастацкая літаратура».
Фота: Яна Сабіна.