«Сустрэчы з Караткевічам» у «Светачы», выпуск 3: фотасправаздача!
На сустрэчы пагаварылі пра дзіцячую тэму ў творчасці Уладзіміра Караткевіча.
24 красавіка ў нашай кнігарні «Дом книги «Светоч» (г. Мінск, пр-т Пераможцаў, 11) адбылася трэцяя імпрэза з цыкла «Сустрэчы з Караткевічам».
На сустрэчы Алесь Бадак і Вольга Ваніна расказалі пра кнігі «Жабкі і чарапаха» (выд-ва «Мастацкая літаратура», 2018) і «Уладзімір Караткевіч. Казкі» (выд-ва «Беларуская Энцыклапедыя імя Пятруся Броўкі», 2020), а таксама пагаварылі пра дзіцячую тэму ў творчасці Уладзіміра Караткевіча.
Цыкл «Сустрэчы з Караткевічам» — гэта некалькі імпрэзаў, дзе пойдзе размова аб асобе, творчасці і жыццёвым шляху знакамітага беларускага пісьменніка Уладзіміра Караткевіча. Цыкл прысвечаны 90-годдзю з дня нараджэння пісьменніка.
Арганізатарамі праекта з'яўляюцца Міністэрства інфармацыі Рэспублікі Беларусь, ААТ «Белкніга» і выдавецтва «Мастацкая літаратура».
Відэазапіс імпрэзы можна будзе знайсці на нашым Youtube-канале.
Фота: Яна Сабіна.